O sábado 29 de setembro, ás 18:00 horas virá ata o Local Social de Muras a compañía de teatro aficionado lucense “Os Palimoquiños” ?? para representar a obra “Borralliña”, cos reis Cintolo e Madrepérola coma protagonistas, xunto ao seu fillo Azul Celeste.
Forma parte da décima edición do programa de teatro afeccionado Buxiganga, organizado pola Deputación de Lugo e que suma máis dun centenar de actuacións en 50 concellos da provincia ata novembro. Máis de 400 actores participan nunha iniciativa que promociona o teatro afeccionado e dinamiza os municipios, especialmente os do medio rural.
