Este sábado 22 de agosto ás 19:00, achegádevos ata a Praza de Vilalba, no lugar do vello lavadoiro de Muras hoxe restaurado, para unha tarde diferente.
Alí estarán Rilo & Penadique, unha compañía de recente creación que une os talentos de Vero Rilo e Sonsoles Penadique. Fusionan o mundo da palabra e a música dando lugar a fermoso espectáculos de narración oral para familias moi entretidos. Neste caso o lavadoiro será o eixo de historias protagonizadas por mulleres e fiadas por pequenas correntes de emocións, cunha incrible capacidade de narrar e sutileza musical. Vinde!
*Enmarcado dentro do Pacto de Estado contra a Violencia. Financiado con cargo aos créditos recibidos do Ministerio de Igualdade, Secretaría de Estado de Igualdade e contra a Violencia de Xénero.
