O recoñecemento -na categoría “Xestión sostible no deporte” -dáse polo traballo feito no Trail das Bestas que comezou a organizarse no ano 2017. Así o decidiron os 12 membros do xurado (na imaxe), reunidos o xoves 21 de novembro ás 21:00. Muras recollerá o premio nunha gala que celebrarase o 13 de decembro a partir das 20:00 no Pazo da Cultura de Carballo (A Coruña).
Os XV Premios Galicia á Xestión Deportiva son convocados por AGAXEDE (Asociación Galega de Xestión Deportiva) e na edición deste 2024 decidiron darllos ás seguintes persoas e entidades:
Premio á mellor persoa xestora do deporte:
▪ Miguel Lozano Garrido (Fundador e CEO da empresa BZ55)
Premio á mellor actividade ou programa deportivo:
▪ Clube Rugby Fendetestas
Premio á xestión deportiva dun concello menor de 15.000 habitantes:
▪ Concello de Ribadeo
Premio á xestión pública do deporte:
▪ Concello de Ames
Premio á xestión deportiva empresarial:
▪ Distrito Estudo
Premio á xestión deportiva no terceiro sector:
▪ Federación Galega de Pádel
Premio ao mellor estudo ou innovación no deporte:
▪ Joan Celma Giménez (Presidente do Observatorio Internacional do Deporte)
Premio ao mellor patrocinio deportivo:
▪ Fundación Luis Calvo Sanz
Premio á xestión sostible no deporte:
▪ Concello de Muras
Premio á xestión deportiva de inclusión social:
▪ Escola de Tempo Libre e Animación Sociocultural Don Bosco (Proxecto TUXELEIRES Rugby)
Premio á xestión deportiva con perspectiva de xénero:
▪ BKC Coruña
Recoñecemento especial “José Luís Salvador”:
▪ Xornal dixital 21 Noticias
Ademais de felicitar a todas e todos os premiados queremos agradecer aos membros do xurado o recoñecemento a este esforzo colectivo, do que estamos moi contentos. E tamén deixar constancia do traballo feito pola xente que participou na súa posta en marcha como os anteriores tenentes de alcalde Belén Chao e Mario Rouco, e por todas as persoas que están detrás da organización para que saia o mellor posible cada ano.
O Trail das Bestas consolidouse como unha cita moi importante neste eido. De feito, o pasado 7 de xullo -que foi cando realizouse a sétima edición- esta proba de montaña no Xistral xa pasou a formar parte do Campionato Galego de Maratón coa participación de máis de 300 deportistas. Grazas a todos!
