Dez anos de axudas coa factura da luz

Desde 2016 Muras ven concedendo achegas para subvencionar o pago da factura da luz do consumo doméstico dos veciños e veciñas e de pemes, xa van pola décima convocatoria como parte da #marcaMuras.

As contías aumentan ano tras ano e chegan a sufragar o consumo medio habitual nun fogar. A suba para este 2025 é considerable respecto a anos anteriores, cun incremento que xa acada os 700 €, o obxectivo é chegar ao gasto cero para a veciñanza, que solicita estas axudas en máis dun 90%.

SOLICITUDES E PRAZOS: pódense pedir desde o 1 de xullo e durante todo o mes. A solicitude pode presentarse a través da sede electrónica ou de forma presencial no Rexistro do Concello de Muras de luns a venres de 08:00 a 12:00 h.

As bases poden consultarse no B.O.P. do 11 de xuño de 2025. Nas contías das axudas houbo un erro no primeiro anuncio que xa foi solventado e pode consultarse no B.O.P. do 21 de xuño 2025. Podedes descargar aquí os distintos MODELOS de impresos:

Solicitude axuda da luz Liña 1

Solicitude axuda da luz Liña 2 

Importe das achegas:

•   Para as unidades familiares cunha renta per cápita anual inferior a 15.000€ as axudas cobren o 100% do consumo, cun límite anual de 700€.
•   Aos fogares cunha renta per cápita anual entre 15.001€ – 22.000€ sufrágaselle o 90% do gasto da factura da luz cun tope anual de 600€.
•   As familias cunha renta per cápita anual entre 22.001€ – 29.000€ terán un financiamento do 80% do consumo e cun límite anual de 500€.
•   Ás unidades familiares cunha renta per cápita superior aos 29.001€ abóaselles o 70% do consumo cun máximo anual de 200€.
• No caso das empresas o tope é de 1.500€.