Deixamos aquí un resumo co máis importante pero ao final do texto hai un PDF para descargalas ademais de que están publicadas neste enlace do BOP da Deputación de Lugo do pasado 3 de setembro.
Os premios preséntase con seguintes obxectivos:
- Dinamizar o sector da gandaría en Muras.
- Promover a exposición dos animais.
- Promover a carne criada en Muras como son a de poldro e a de vacún.
- Promover a compra e venda de gando tanto de residentes como de visitantes.
- Apostar pola profesionalidade do sector gandeiro, incentivando a participación e calidade dos participantes.
As vantaxes de participar para as gandarías son as seguintes:
- Contarán con promoción gratuíta dos seus animais podendo alcanzar novos mercados.
- Os premios reflectiranse tanto en carteis publicitarios, prensa e medios de comunicación audiovisual.
- Os animais serán xulgados por profesionais do sector.
- O Concello proporcionará ós participantes a inscrición gratuíta.
- Favorecerase a compra venda, xa que os veterinarios xulgarán os mellores animais da feira.
- Farase entrega de premios ós animais gañadores ó final da tarde.
- Participantes: Nesta edición de premios para a exposición de gando cabalar e vacún participarán todas as persoas físicas e xurídicas que se engloben dentro do ámbito da gandería e que asistan á feira e que queiran participar no concurso para o cal teñen que solicitar expresamente curro e participación no concurso.
- Requisitos dos participantes. Teñen que ter os animais debidamente documentados. Quedan excluídos de participación no concurso aquel gando/cabalar cuxo uso exclusivo sexa deportivo e/ ou ocio. Non poderá abonarse o premio a aqueles participantes que non se atopen ao corrente coas obrigas tributarias e seguridade social.
- PRAZO E LUGAR DE INSCRICIÓN: O prazo de inscrición de participantes será desde o momento de publicación destas bases ata o 22 de setembro de 2025. NA PÁXINA 6 ESTÁ O ANEXO I COA FOLLA DE INSCRICIÓN.
- As gandarías participantes deben cubrir a solicitude do anexo I que será presentada no rexistro do Concello de Muras ou a través da sede electrónica do Concello de Muras (https://muras.sedelectronica.gal/instancia xeral) e entregala totalmente cumprimentada.
- O día 23 de setembro publicarase na sede electrónica do Concello de Muras a listaxe de admitidos para participar no concurso de gando. O prazo para realizar reclamacións á listaxe de participantes remata o día 25 de setembro de 2025 procedendo á publicación da listaxe definitiva o 26 de setembro de 2025. A inscrición será totalmente gratuíta.
NORMAS
Os aspirantes ós premios comprométense a cumprir os seguintes requisitos:
Deberán presentar os seus animais debidamente documentados.
Os participantes que non soliciten curro no prazo de inscrición, non poderán optar a premios.
Os animais serán cualificados por veterinarios que seguirán unha táboa de parámetros (*)
Os animais gañadores recibirán o premio correspondente á súa sección. O premio será entregado mediante cheque nominativo para o cal será indispensable ter aportada copia do DNI xunto ca inscrición. A decisión do xurado será irrevogable.
DATA E XURADO
A clasificación levarase a cabo durante a mañá do día 28 de Setembro, a hora de comezo, 10:30 horas. O xurado estará composto por tres Técnicos Veterinarios Cualificados.Identificarán o animal inscrito na participación e acto seguido valorarán o participante cunhas táboas de cualificación para chegar ó veredicto final.
PREMIOS
Maior número de cabezas cabalar e/ou bovino
1º 300€
2º 200€
3º 150€
4º 100€
5º 75€
Mellor semental cabalar
1º 150€
2º 100€
3º 75€
Mellor egua
1º 150€
2º 100€
3º 75€
Mellor lote cabalar
1º 150€
2º 100€
3º 75€
Mellor cría cabalar do ano
1º 150€
2º 100€
3º 75€
Mellor semental bovino
1º 150€
2º 100€
3º 75€
Mellor vaca
1º 150€
2º 100€
3º 75€
Mellor lote bovino
1º 150€
2º 100€
3º: 75€
Mellor cría bovina do ano
1º 150€
2º 100€
3º 75€
O PAGAMENTO dos premios será mediante transferencia bancaria no prazo máximo de 10 días naturais dende o 28 de setembro de 2025.
As presentes bases e os premios concedidos aos beneficiarios serán publicados na plataforma da Base de Datos Nacional de Subvencións (http://www.pap.minhap.gob.es/bdnstrans/index), no taboleiro electrónico do Concello de Muras, Facebook de Concello de Muras e a páxina web www.muras.gal.
